Umimmaap qiviuinik benvarmerit

Umimmaap qiviuinik benvarmerit

45 cm miss. takitigipput.

Umimmaap qiviui

Umimmaap qiviua savap meqquata nuersagassiaaninngaanniik arfineq pingasoriaammik oqornerusutut uuttorneqarsimavoq. Taamaasilluni nunarsuarmi atortussani(oqorsaatissani) oqornersaat ilaanniilluni.

Oqillunilu qituppoq aammalu nuersagassianut allanut sapigalinnut malussarinnannginnerusarluni.

Saniatigut aamma timikkut anniaatinut nipaallisaataasarnera iluarineqartarpoq. Napparsimasut anigorsinnaanngisamik anniaatillit misigisarpaat anniaatinut annikillisitsisartoq.
Umimmaap qiviuinik nuersakkat sinilluni atorlugit iluaqutaanerpaasarput.

Umimmaap qiviuutigut Kangerlussuup eqqaani umimmaat nujuartaneersuupput.

Nioqqutissat umimmaap qiviuinik nuersakkat tasinnikkaajusarput.
Nioqqutissioraangatta tamanna eqqaamaniartarparput nioqqutissiagullu aallaqqaasiutigalugu attuumasussaatillugit nuersartarlugit. Taamaammat nioqqutissiaq pisiat tigugukku nerukippallaarsoriniaqinagu. Nioqqutissiaatigut umimmaap qiviuinik nuersakkat atorneranni tasikkiartortarput, taannalu peqqutaalluni nerukitsumik nuersanngikkutsigit sivitsunngitsoq angivallaalissallutik.

Nioqqutissiaatigut amerlanerit qalipaatit assigiinngitsuni pigisarpagut.
Nuersagassanik nuersakkanillu misussigaangatta akuutissat sakkortuut atorneq ajorpagut. Imaassinnaasoq aamma maluginiarsimagit nuersagassiat/nuersakkat misunneqanngitsuninngaanniit qaamanermik qalipaatilinnik nioqqutissiaateqanngitsugut. Tassunga peqqutaavoq akuutissat sakkortuut atornagit qalipaammik qaamanermik pisinnaannginnerput.
Eqqarsaatigissallugu nuannaraarput umimmak nujuartaq qaqqamiinneraninngaanniit nuersakkap/nioqqutissap naammassinissaata tungaanut akuutissat sakkortuut atornagit suliaasut.